தலையின் மேல் விதி 5 - அத்தியாயம் : 2

முந்தைய அத்தியாயத்தை வாசிக்க இந்த சுட்டியை அழுத்தவும்.

வாசிக்க ஆரம்பிப்பதற்கு முன்பு:

UTC தடவை என்பது Co-ordinated Universal Time, இந்த இந்த நேரம்  அதிநுட்பமான அணு கடிகாரத்தை உலக சுழற்சிக்கேற்ப கணக்கிடப்படுகிறது.

UTC நேரம் இந்திய கடிகாரத்தை விட 5:30 மணி நேரம் பின் தங்கியுள்ளது.

இனி தொடர்வோம்.....

2001 ஆம் ஆண்டு ஆகஸ்ட் 24ந் தேதி, ஏர் அட்லாண்டிக் விமானம் 236, டொராண்டோ விமான நிலையத்திலிருந்து 0:52 மணிக்கு (UTC) லிஸ்பனிற்கு கிளம்பியது. இந்த விமானம் ஏர் பஸ் A330-243 வகையை சார்ந்தது. இந்த விமானத்தில் இரண்டு ரோல்ஸ் ராய்ஸ் என்ஜின் பொறுத்த பட்டுள்ளது. விமானம் கிளம்பும் பொழுது விமானத்தில் 46.9 டன் எரிபொருள் நிரப்பட்டுள்ளது, இது பயண தேவை விட 4.5 டன் அதிகமாக இருந்தது.

சுமார் நான்கு மணி நேரம் கழித்து, 05:16 மணிக்கு, காக்பிட் அறையில், என்ஜின்-2ல், வெப்பம் குறைவாகவும், அழுத்தம்  அதிகமாகவும் உள்ளது என எச்சரிக்கை மணி ஒலித்தது. இது விமானத்தின் வலது என்ஜினில் ஏற்ப்பட்ட கசிவின் மூலம் நிகழ்ந்தது.

கசிவின் மூலம் ஒரு நொடிக்கு 1 காலன் விரயம் ஆனது, இதனால் எரிபொருள் heat exchangerல் அளவிற்கு அதிமான எரிபொருள் வந்தது, முறையே எரிபொருளின் வெப்பம் குறைந்தும், அழுத்தம் அதிகமானது.
விமானிகள் இருவரும், இந்த இரண்டு செய்கைக்கு நேரடி தொடர்பு இல்லை அதனால் இது தவறான எச்சரிக்கை என முடிவிற்கு வந்தார்கள். கட்டுப்பாட்டு அறைக்கும் இதை தெரிவித்தார்கள். கட்டுப்பாட்டு அறையிலிருந்து நிலைமையை உன்னிப்பாக கவனிக்குமாறு உத்தரவு வந்தது.

இருபது  நிமிடங்களுக்கு பிறகு, விமானத்தில் இறக்கையில் எரிபொருள் ஏற்றதாழ்வு ஏற்பட்டுள்ளது சமிக்கை வந்தது.
விமான எரிபொருள் ஏற்றதாழ்வு (fuel imbalance) : விமானத்தின் இறக்கைகளில் தான் எரிபொருள் நிரப்புவார்கள, இரண்டு இறக்கைகளிலும் ஒரே அளவு எரிபொருள் நிரப்புவார்கள், இது விமானத்தை பாலன்ஸ் செய்து சீராக பறக்க உதவும். இந்த ஏற்றத்தாழ்வின் மூலம் விமானத்தின் ஏரோடையனாமிக்ஸ் பாதிக்கப்பட்டு விபத்திற்குள்ளாகும்.

இதற்க்கு வழக்கமான தீர்வு, எரிபொருள் அதிகமாக உள்ள இறக்கையில் இருந்து குறைவாக உள்ள இறைக்கைக்கு அனுப்புவார்கள், இதன் மூலம் விமானத்தின் இரு பக்க எடையும் சமனாகி, சீராக பறக்கும்.
இதையே நமது விமானிகளும் செய்தார்கள். இந்த நேரத்தில் வலது இறக்கையில் உள்ள எரிபொருள் ஏறக்குறைய காலி ஆகி இருந்தது. இடதுஇறக்கையில் இருந்து அனுப்பட்ட எரிபொருளும் கசிவின் மூலம் வீணாகி போனது.

விமானத்தின் குறைவான எரிபொருள் மூலம் லிஸ்பன் வரை செல்வது இயலாத காரியம் எனவே, 5;45 மணிக்கு அட்லாண்டிக் பெருங்கடலில் உள்ள Lajes எனும் விமானதளத்தில் தரையிறக்க முடிவு  செய்தார்கள்.
6;13 மணிக்கு Lajesல் இருந்து 217 கி.மீ (135 மைல்) இருக்கும் பொழுது, வலது புறம் உள்ள என்ஜின் ஏரிபொருள் இல்லாததால் செயல் இழந்தது. விமானி பறத்தலை சீராக்க விமானத்தின் உயரத்தை 33000 அடிக்கு குறைத்தார்.
சுமார் 13 நிமிடங்களுக்கு பிறகு, Lajesல் இருந்து 120 கி.மீ (65 மைல்) இருக்கும் பொழுது, இடது புறம் உள்ள என்ஜினும் ஏரிபொருள் இல்லாமல் செயல் இழந்தது.

இரு என்ஜினும் செயல் இழந்தது,, இப்பொழுது விமானத்தின் நிலை என்ன, மேலே எறிந்த கல் அப்படியே கீழே விழுவது போல் விழுந்து விடுமா ?

அது தான் இல்லை, விமானம் இருக்கும் உயரத்தை பொறுத்து கீழ் நோக்கி சிறிது தூரத்திற்கு வழுக்கி செல்லும் (Gliding). இது விமானத்தின் நீளம், அகலம், பறக்கும் உயரத்தை வைத்து முன்னேறி செல்லும். நமது விமானதின் Gliding  Ratio 15 : 1, அதாவது 1 அடி கீழ்நோக்கி இறங்கும் பொழுது 15 அடி முன்னே சென்றிருக்கும். (Ratio of distance forward to downwards is called Gliding Ratio)

இரு என்ஜினும் செயல் இழந்ததால் விமானதின் முதன்மை மின்சாரம் தடை பட்டது. EMERGENCY RAM AIR TURBINE செயல்பாட்டிற்கு வந்தது, இதன் மூலம் முக்கியமான சென்சார்களுக்கு மின்சாரம் கிடைத்தது. 

LAGES மிலிட்டரி ஏர் ட்ராபிக் கன்ட்ரோல் அதிகாரிகள் அவர்களின் ராடார் உதவியால் வழிகாட்டினார்கள். விமானம்  நிமிடத்திற்கு 2000 அடி (600 மீ) கிழேறங்கியது. இதே வேகத்தில் கிழேறங்கினால், LAGES விமானதளத்தை கடந்து 20 நிமிடம் பயணித்து கடலில் தான் மூழ்கி வேண்டும்.
இன்னும் சிறிது தூரம் அவர்கள் பயணித்தே ஆகவேண்டிய கட்டாயத்தில் இருந்தார்கள்.

விமானி சமயோஜிதமாய் விமானத்தை LAGESஐ கடந்து சிறிது தூரம் பயணித்து, பிறகு U-TURN விமானத்தை திருப்பி, நிறைய S-TURNகள் எடுத்தார்கள். இதன் மூலம் அதிகப்படியான உயரத்தை செலவழித்தார்கள்.

6:45 மணிக்கு விமானம் 370 கி.மீ. (200 நாட்ஸ்) வேகத்தில் ரன்வேயில் இறங்கியது, மறுபடியும் மேல் எழும்பி, மீண்டும் தரையிறங்கியது. ANTI-SKID மற்றும் BRAKE MODULATION வேலை செய்யாததால், டயரை வெடிக்க வைத்து விமானத்தை நிறுத்தினார்கள்.

14 பயணிகள் மற்றும் 2 பணியாளர்கள் சிறிய காயம் அடைந்தார்கள்.இந்த சம்பவத்தில் எந்த மனித உயிரியிழப்பு ஏற்படவில்லை என்பது ஒரு மகிழ்ச்சியான விஷயம். 

போர்ச்சுக்கல் அரசாங்கம் இந்த இந்த விபத்திற்கான காரணத்தை ஆராய்ந்தது. அதன் விவரம் என்னவென்றால் பராமரிப்பு பணியின் பொழுது என்ஜின் #2யில் உள்ள சில பழுதடைந்த பாகத்தை ஒரு பழைய என்ஜினில் இருந்து எடுத்து பொருத்தினார்கள். புதிய என்ஜினில் உள்ள ஒரு ஹைட்ராலிக் பம்ப் பழைய எஞ்சினில்  கிடையாது. இதனால் எரிபொருள் குழாய்க்கும் ஹைட்ராலிக் ஆயில் குழாய்க்கும் இடைவெளி இல்லாமல் போனது. இதை கவனிக்காமல் ஏர் அட்லாண்டிக் நிறுவனம் விட்டு விட்டது. 

இதனால் விமானம் பறக்கும் பொழுது, எரிபொருள் குழாயும் ஹைட்ராலிக் ஆயில் குழாயும் உராய்ந்து எரிபொருள் கசிவு ஏற்பட்டது. இதுவே விபத்திற்கு முக்கிய காரணம். 

இந்த தவறை ஏர் அட்லாண்டிக் ஒத்துக்கொண்டது. கனடா நாட்டு அரசாங்கம் ஏர் அட்லாண்டாவிற்கு 250,000 கனடா டாலர் தண்டம் விதித்தது.

   
விமானிகளின் தவறும் இந்த விபத்திற்கு ஒரு காரணமாக இருந்தாலும், அவர்களின் சாகசம் போற்றப்பட்டது (பின்னே வளைச்சி வளைச்சி இல்ல ஓட்டி இருக்காங்க). அவர்களுக்கு AIR LINE PILOT'S ASSOCIATION சார்பாக SUPERIOR AIRMENSHIP விருது வழங்கப்பட்டது.

டிஸ்கி - எங்களுக்கு பிளைட்ல ஏறினா, அங்க இருக்கிற ஏர் ஹோஸ்டஸ்யும் அவங்க குடுக்கிற சாப்பாடும் தான் தெரியும், நாங்க எந்த ஹைட்ராலிக் பம்ப் பார்த்தோம், எரிபொருள் குழாயை பார்த்தோம். உங்கள நம்பி வாரோம், பார்த்து ஓட்டுங்க சாமி.......  

தலையின் மேல் விதி 5 - அத்தியாயம் : 1

2001 ஆம் ஆண்டு ஆகஸ்ட்  மாதம் 24ந் தேதி டொராண்டோ கனடா நாட்டிலிருந்து லிஸ்பனிற்கு (Lisbon), போர்ச்சுகல் (Portugal) நாட்டிற்கு 293 பயணிகள் மற்றும் 13 பணியாளர்களுடன் ஏர் ட்ரான்சாட் (Air Transat) 236 பறந்து கொண்டு இருந்தது.

இந்த விமானத்தின் பெயருக்கும் பயண பாதைக்கும் நெருங்கிய தொடர்பு உண்டு, அது என்னவென்றால், இந்த விமானம் தன் பயண பாதையில் கனடாவிற்கும் போர்ச்சுகலுக்கும் இடையே உள்ள அட்லாண்டிக் பெருங்கடலை கடக்கின்றது.

விமானம் அட்லாண்டிக் கடல் மேல் பறந்து கொண்டு இருந்தது,
மேலே நீல வானம், கீழே கருநீல கடல்,

லிஸ்பனில் இருந்து சுமார் 1136 மைல் (1667 km) தூரத்தில் விமானத்தின் ஒரு என்ஜின் செயல் இழந்தது, சிறிது நேரத்தில் லிஸ்பனிற்கு சுமார் 966 மைல் (1570 km) தூரம் இருக்கும் பொழுது இரண்டாவது என்ஜினும்  செயல் இழந்தது,

நடுவானில் விமானத்தின் என்ஜின் செயல் இழந்தது, 306 உயிரின் நிலை என்ன, வாருங்கள் பாப்போம்.

நீ இல்லை நான் தான் !!!

நானும் எனது மூன்று வயது மகன் அஸ்வத்தும் விளையாட்டாக படுக்கையறையில் பேசிக்கொண்டு (சண்டை) போட்டு கொண்டு இருந்தோம். 

விளையாட்டாக அவனிடம், "அப்பா கோபமாக இருக்கிறேன்" என்று சொல்லி திரும்பி படுத்துக்கொண்டேன்.

எனது மகன் "அப்பா !!! அப்பா !!!" என்றான்.

சமாதானபடுத்ததான் அழைக்கிறான் என நினைத்து கெத்தாக "என்னடா" என்றேன்.

அதற்கு அவன், "அப்பா நீ கோபமாக இல்லை, நான்தான் கோபமாக இருக்கிறேன்", என்றான்.

நான் என்ன சொல்ல, ஏது சொல்ல, 

இவிங்கள்ட்ட வாய குடுத்து மீள முடியலையே .............

   

கன்னா பின்னா தத்துவங்கள்

தோசை கல்லு உள்ளே இருந்தால் உயர்தர ஹோட்டல்..
வெளியே இருந்தால் சாதா ஹோட்டல்..

வாக்கிங் போறது எளிதானது தான்...
வாக்கிங் போக எந்திரிக்கிறது தான் கஸ்டமானது..

உலகத்துலயே ஸ்பீட் பிரேக் ஓரத்துல ஒரு பாதையை உருவாக்கி அதுல
வண்டி ஓட்டுற டெக்னிக் நம்மள தவிர யாருக்கும் வராது..

கீழே விழுந்ததும் அடிபடவில்லை என்பதை விட,
யாரும் பார்க்கவில்லை என்பதே நிம்மதி..

மதம் மாறினால் தான் கடவுள் ஆசீர்வதிப்பார் என்றால்
உண்மையில் அவர் கடவுள் இல்லை, கட்சித் தலைவர்..

ப்யூட்டி பார்லர் போன மறுநாளே ஐஸ்வர்யா ராய் போல
ஃபீல் பன்னுவாங்க பெண்கள்..
ஜிம்முக்கு போன அன்னிக்கே அர்னால்டு போல ஃபீல்
பன்னுவாங்க ஆண்கள்..

இந்த ஜெனரேஷன்ல ஆல்கஹாலுக்கு அடிமையானவன விட
ஆன்ட்ராய்டுக்கு அடிமையானவன்தான் ஜாஸ்த்தி.

பால்விலை கூடுனது கூட கவலயா தெரில...டீக்கடைல டீ
விலைய எப்ப கூட்ட போறாங்கேனுதான் திக் திக்குனு இருக்கு ...
# டெய்லி நாலு டீ குடிப்போர் சங்கம் 

இப்பெல்லாம் ஏ.டி.எம்-இல் பணம் எடுத்தவுடன் பணத்தை எண்ணுவதற்கு முன்பு,
இது எத்தனையாவது முறை பணம் எடுக்கிறோம் என்று தான் எண்ணுகிறோம

ATM - Anju Time Mattum (அஞ்சு டைம் மட்டும்)

குழந்தைங்க நம்மகிட்ட கதை கேட்டதெல்லாம் அந்தக்காலம்..
இப்பல்லாம், 'ஏன் ஹோம்வொர்க்செய்யல?'னு கேட்டா அதுங்களே கதைகதையா சொல்லுதுங்க..


பியூட்டி பார்லர்க்கும் ஃபுல்லா மேக்அப் போட்டு தான்
போகனுமா?

என்னம்மா இப்படி பண்றிங்களேமா

தூய்மை இந்தியாதிட்டம்!! தேவையான பொருட்கள்:
வெளக்கமாறு 1 & கேமரா 4


டிஸ்கி : நண்பர் ஒருவர் அனுப்பிய வாட்ஸ்அப்பில் வந்த தகவல்.......

பயணங்கள் பலவிதம் - 3

இதுக்கு முன்னாடி

இதுக்கு முன்னாடி 

அந்த அதிர்ச்சியான சம்பவம் என்னா.......

நம்மள வளரும் நாடுன்னு சொல்றாங்க, விமானம் மற்றும் ரயில் டிக்கட்ட மொபைல்ல காட்டுனாலே போதும், ஐரோப்பா நாடுகளை வளர்ந்த நாடுகள்ன்னு சொல்றாங்க அங்க டிக்கெட் ஆன்லைன்ல எடுத்தா, பயணத்துக்கு முன்னாடி ரயில்வே ஸ்டேஷன்ல போய் பிரிண்ட் அவுட் எடுத்து வச்சிருக்கணுமாம்.

சாயங்காலம் தானே பயணம், பயணத்துக்கு இன்னும் நிறைய நேரம் இருக்கே, ஸ்டேஷனுக்கு போய் அழகா போய் பிரிண்ட் அவுட் எடுத்துக்கலாமே இப்போ என்ன பிரச்சனை, அது தானே உங்க கேள்வி.

நாங்க டிக்கட் எடுத்தது இத்தாலியன் ரயில் வலைத்தளத்தில், அந்த டிக்கட்டை இத்தாலி நாட்டுக்குள் வைத்து தான் பிரிண்ட் எடுக்க முடியுமாம். நாங்கள் இருப்பதோ வியன்னாவில், அந்த நாட்டு வலைத்தளத்தில் எடுத்த டிக்கட்டை மட்டும்தான் பிரிண்ட் எடுக்க முடியுமாம். ஒரே ரயில் இரண்டு நாடுகளுக்குள் ஓடுகிறது, ஆனால் ஒருவருக்கு ஒருவர் நல்ல புரிந்துணர்வு இல்லை.

நாங்கள் ஆன்லைனில் டிக்கட் எடுத்த போது வந்த மின்னஞ்சலை வைத்து தகவல் மையத்தில் விசாரித்து பார்த்தோம். இந்த மின்னஞ்சலை குப்பையில் போடுங்கள், இது செல்லாது, இதை வைத்து பயணித்தால் டிக்கட் தொகையுடன், மூன்று மடங்கு அபராதம் கட்ட வேண்டி இருக்கும் என்றார்கள்.

டிக்கட்டின் அப்போதைய விலை 100 இரோ (8000 ரூபாய்), அபராதத்துடன் 32000 ரூபாய் வரும். எங்களுக்கு ஒரே டரியலாகி போய் விட்டது. ரெம்ப நேரம் ரயில்வே நிலையத்திலிருந்து உக்காந்து உக்காந்து யோசித்து பார்த்தோம். நானும் இன்னொருவரும், நாங்கள் ஏற்கனவே எடுத்து வைத்த டிக்கடிலே பயணம் செய்து பார்போம். டிக்கட் பரிசோதகரை கிழக்கே பார்த்து நிற்க வைத்து காலில் விழுந்தாவது சமாளிப்போம் என தோன்றியது. மீதி இருவர் ரிஸ்க் எடுக்க வேண்டாம் 8000 ரூபாயை பார்த்தால், 32000 ரூபாய் போய்விடும் என்றார்கள்.

ரெம்ப நேரம் பேசி பேசியும் ஒரு முடிவுக்கு வரமுடியவில்லை.
இறுதியில், ரயில் கிளம்பும் முன் டிக்கட் பரிசோதகரிடம் கேட்டு பார்க்கலாம். அவர் முடியாது என்றால், 100 ஈரோவிற்கு டிக்கட் எடுத்துக்கொள்வோம் என முடிவு செய்தோம்..........

பிறகு வியன்னா நகரை சுத்தி பார்த்தோம்.

அதன் புகைப்படங்கள் உங்கள் பார்வைக்கு........

வியன்னா நகரில் ஒரு சர்ச் 

ஆஸ்திரியா பாராளுமன்றம் 

\

அரண்மனை 

கயிறு வைத்து ஒரு நீர்குமிழி உருவாக்கிக்கொண்டிருந்தார் 

மாற்றொரு அரண்மனை 

அன்று மாலை என்ன நடந்தது, அடுத்த பதிவில் பாருங்கள்.....


டிஸ்கி : கொஞ்சம் நீளமாகிவிட்டது அடுத்த பதிவோடு முடித்து கொள்கிறேன்.......     

பயணங்கள் பலவிதம் - 2

பயணத்தோட ஆரம்பத்தையும் தெரிஞ்சிக்க இங்கே ஒரு தட்டு தட்டுங்க ....


புடாபெஸ்ட் என்பது புடா மற்றும் பெஸ்ட் என்னும் இரு நகரங்கள் சேர்ந்ததாகும். இந்த இரு நகரங்களுக்கு இடையே தானுபே (Danube) என்னும் நதி ஓடுகிறது.

Chain Bridge, புடாபெஸ்ட்ல் பார்க்க வேண்டிய முக்கியமான இடம், இந்த பாலம் 1820 ஆம் ஆண்டு கட்ட ஆரம்பிக்கப்பட்டது. இதற்க்கு முன்பு வரை மரக்கட்டைகளால் ஆன பாலம் இருந்தது, இதை ஒவ்வொரு குளிர் காலத்திலும் அப்புறபடுத்தி விடுவார்கள். (குளிரியில் மரக்கட்டைகள் உடைந்துவிடும் என்பதால்), இதை Pontoon Bridge என்பார்கள்

(ரெம்ப அறிவாளின்னு நினைக்கதீங்க, கூகிளாண்டவர்  சொல்லித்தான் எனக்கு தெரியும், நினைக்க மாட்டீங்கள்ள ??? ).

                                         பட உதவி : நம்ம கூகிளாண்டவர் தான்

Count István Széchenyi என்று, ஒரு ஹங்கேரியன் புரட்சியாளர் இருந்தார், அவர் தந்தை ஆற்றின் மறுகரையில் இறந்து போனார். குளிர் காலம் என்பதால் இவரால் ஆற்றை கடக்க  முடியவில்லை. அப்பொழுது தான் ஒரு நிரந்தர பாலத்தை உருவாக்க முடிவு செய்தார். 

பாலத்தின் இருகரையிலும், இரண்டு சிங்க சிலைகளை நிறுத்தி வைத்திருக்கிறார்கள். இந்த சிங்கங்களுக்கு பின்னால் ஒரு கதை உள்ளது.

இதை Marschalko Janos என்பவர் வடிவமைத்தார். அவர் சிங்கங்களுக்கு நாக்கை செதுக்க மறந்து விட்டார், இதை பாலத்தின் திறப்பு விழாவின் சமயத்தில் ஒரு சிறுவன் கவனித்து சொன்னான். மனம் வெறுத்து போய் தானுபே ஆற்றில் குதித்து உயிரை மாய்த்துக்கொண்டார்.

இது தான் அந்த சிங்கம் 

புடாபெஸ்ட்ல் எடுத்த புகைப்படங்கள் உங்கள் பார்வைக்காக.

Chain Bridge 

                                                       புடாபெஸ்ட் கோட்டை 

சர்ச்சும், பாராளுமன்றமும் ஒரே உயரம் வருமாறு கட்டி இருக்கிறார்கள்.

கடவுளும், அரசாங்கமும் ஒன்று என்ற நம்பிக்கையை காட்டவாம்.

என்னோட வலது பின்பக்கம் இருக்கிறது பாராளுமன்றம், இடது பின்பக்கம் சர்ச்.

                                                     பாராளுமன்றம்

Limousine Car, ஒரே இடத்துல 2 கார் நிக்கிறத பார்த்து ரெம்ப பீலிங்க்ஸ் போங்க   

இரவு 11 மணிக்கு ஹோட்டலுக்கு வந்து அதிகாலை 5 மணிக்கு (அடுத்த நாளும் தூக்கம் போச்சு) எழுந்திருச்சி கிளம்பி காலை 7:10 மணிக்கு வியன்னா செல்லும் ரயிலில் கிளம்பினோம். 10:10 வியன்னாவில் இறங்கினோம்.


இறங்கின பத்தாவது நிமிஷம் ஒரு அதிர்ச்சியான விசயத்த கேள்வி பட்டோம்.

அது என்னவா இருக்கும் ?????????????


அடுத்த பதிவுல பாருங்க......... 

                                                                                             
                                                                                              நன்றிகளுடன் 
                                                 
                                                                                    மகேஷ் பிரபு விஜயராஜ்